සොදුරු ගාන්ධාර්වයාණෙනි!

තිරිසන් සතුන් සම`ග සැසදීමේදී මිනිසා මනසින් උසස්ය. මිනිසාට එම නාමය අන්වර්ථ වන්නේ එනිසා ය. නමුත් දියෙන් කිරි වෙන්කරගැනීමේ නුවණක් තිරිසන් සතෙකු වන හංසයාට ඇත. හංසයා තම ශක්තියෙන් එසේ කළ ද මිනිසාට එවන් තීරණ ගැනීමට බුද්ධිය අවශ්‍ය වේ. නුතනයේ ඇති ගීත අතරින් උසස් ගීත ලබාගැනීම සහ රසවිදිම බුද්ධියෙන් සහ උසස් රසවින්දනයෙන් යුක්තව සිදුකළ යුත්තකි. එවන් ගීතයන්ට ආදරය කරන්න. නුතනයේ යාන්ත‍්‍රික වු ලෝකයෙන් මදකට හෝ මිදිමට ඉන් හැකියාව ලැබෙනු ඇත. සංගීතය විශ්ව භාෂාවකි. කිසිදු අර්ථයක් නොදන්න මුත් වින්දනය ලබාදීමට ගීතයට හැකි ය. දෑස් අන්ධවුවන්ට දෑස් දෙන්නට ගොළු වු හදවත්වලට වචන දෙන්නට ගීතයට හැකි ය. එය විශ්මිත ප‍්‍රතිකර්මයකි. නුතන ලෝකය සිඝ‍්‍රයෙන් කාර්මිකරණයට වානිජකරණයට ලක්ව ඇත. සියලූ දෙනා ජීවිත පැවැත්ම උදෙසා අරගලයක නිරත වේ. ඇතැම් විට එම තර`යට නැවතුමක් නැත. තෘප්තිමත් වීමක් නැත. ශේෂ වී ඇත්තේ දුක,කළකිරිම මෙන්ම   නොසංන්සිදුන ආශාවන් පමණක්ම වනු ඇත. ජීවිතය විදවන්නට නොව විදිමට ඇත්තකි. තර`කාරී ලෝකය අභියස සියල්ලන් විදවන්නන් වී ඇත. එහෙත් එය කිසිවෙකු නොදන්නේ ය. ඇතැම්විට දැන සිටියද නොදන්නවුන් මෙන් කටයුතු කිරිමට සිදුව ඇත. එය මායාවක් මෙන් මිනිසා වටා පැතිර ඇත. ඝෝෂාකාරී ලෝකයක සිටින බැවින් විනෝදය, නිදහස ලිහිල්වීම භූක්තිවිදීමට ගීතයන් රසවිදිනු ලබයි. එහිදී ඔබ අසන ගීතය ඔබගේ මනස තවදුරටත් වෙහෙසවන්නේ නම්  ප‍්‍රචණ්ඩ හැගිම් ඇති කෙරේ නම් එවන් ගීත කලාවකින් ඇති ඵලය කුමට? අවසානයේ ඔබ රෝගීයකු වනු ඇත. නමුත් සුභාවිත ගීතය ඔබගේ ආයුෂය වර්ධනය කරනු ඇත. සුභාවිත ගීත කෙසේ සොයාගන්නේදැයි ඔබට ගැටලූවක් ඇතිවනු ඇත. දෙයක් ලැබිමට සෙවිය යුතුය. සෙවිමෙන් වෙහෙසිමෙන් ඔබ ලබන දෙය අගයෙන්ද වැඩිය. නුතන තාක්ෂණයේ දියුණු බැවින් උපරිම ප‍්‍රයෝජන ගැනීමට ද මෙහිදී හැකි ය. අන්තර්ජාලය පරිශිලනයෙන් මනස සුවපත් කරන අර්ථවත් ගීත රැස්කරගත හැකි ය. ඔබ ඇසුරු කරන ගීත කලාව කාලයාගේ ඈවැමෙන් ඔබගේ චරිත ලක්ෂණ නිර්මාණය කෙරේ. ඔබ සරල  අර්ථවත් ගීත අසනවිටදී මනස නිරවුල් වන්නා සේම ඝෝෂකාරී ගීත ශ‍්‍රවණයෙන් දැඩි අර්බුදකාරී මනසක් නිර්මාණය වේ. නුතන තරුණ පරපුර සේම බහුතර ජනයා අතර අනවශ්‍යය තර`ගකාරී බවක්  කලබලකාරීබවක් සකස්ව ඇතැයි මතයක්ද ඇත. මිනිසුන් කල්ප ගණනක් ජීවත් වන්නේ නැත. අපට ජීවත් වීමට ඇත්තේ අල්ප කාලයකි. නිරවුල්  පිවිතුරු මනසක් ඇති ව ජීවත්වීමෙන් ජීවිතයට අර්ථයක් දිය හැකි ය. උසස් ගීත කලාවක් රටකට අවශ්‍යය වන්නේ එබැවිනි. යන්ත‍්‍රයක් වුව ද දිර්ඝ කාලයක් වේගයෙන් ක්‍රියාත්මක වීමෙන් ඉක්මනින් විනාශ වේ. මිනිස් සිරුරද මීට සාම්‍ය වේ. ජීවිත පැවැත්මට යම් විවේකයක් අවශ්‍යය වන්නේ එබැවිනි. යහපත් ගීත රසවින්දනයෙන් මනස නිරවුල් වීම මෙන් ම පොදුවේ සමස්ථ සමාජයේ ඇති කලබලකාරීබවින් මිදිමට යම් රුකුලක් ලැබෙනු ඇත. ඇතැම්විට එයට දිර්ඝ කාලයක් ගතවීමටද පුළුවන. නමුත් සුවිශාල වාසි රැසක් අත්වනු ඇත. එබැවින් උසස් රසවින්දනයක් සහිත ගීතයන්ට ආදරය කරන්න. එවන් ගීත තම ජීවිතයන්ට සමීප කරගැනීමෙන් මානසික සුවය සැලසෙනු ඇත. 

පසුගියදා මෙලොවින් නික්මගිය පණ්ඩිත් අමරදේවයන්ගේ” ශ‍්‍රී නාමයට ද එතුමාගේ උසස් ගීත නිර්මාණයන්ටද උපහාරයක් ලෙසින් මෙම ලිපිය සැකසේ. සො`දුරු ගාන්ධාර්වයාණෙනි! ඔබ සදාකල්හි අප හදවත්හි අමරණීය වනු ඇත.